Theodór Emil keppir í Bandaríkjunum

 

Klúbbmeistarinn okkar Theodór Emil hóf í dag keppni á sínu öðru háskólamóti í Bandaríkjunum. Teddi spilar með University of Arkansas-Montecillo. Við vorum í sambandi við Tedda og hann lýsti fyrir okkur hefðbundnum degi í skólanum.

"Vakna sirka um hálf 8 og græja mig fyrir skólann. Þar sem ég bý á campus þá er ég ekki nema 2-6 mín að labba í allar stofurnar. Ég er í tíma frá 8:10 til 12:30-13:00.. Þegar skólinn er búinn þá er farið í möturneytið í skólanum og borðaður hádegismatur. Þá hittir maður yfirleitt meirihlutan úr golfliðinu. Svona rétt fyrir 2 þá förum við í golf á Monticello Country Club, sem er 9 holu völlur. Minnir mann svolítið á Bakkakot nema bara mun lengri. Við förum yfirleitt að spila og svo er æfing um 5 leitið. Þá er tekið stuttaspilið, session á æfingasvæðinu og eitthvað í þeim dúr.

Svo er haldið heim þegar fer að dimma, sem er svona sirka í kringum 7. Þegar maður kemur heim er það lærdómur eða sjónvarpið. Áður en ég veit af er annar dagur kominn og rútínan heldur áfram. "

 Við munum fylgjast vel með Tedda í mótinu og setja inn fréttir af því hvernig honum gengur og óskum við honum að sjálfsögðu góðs gengis.